Де Дзерби мавсум охиригача танаффус олишни мақсад қилди
Италиялик мураббий Роберто де Дзерби яқинда ишидан айрилди. Мутахассис «Марсел» билан шартномани ўзаро келишув асосида бекор қилди, бу «ПСЖ»дан учралган йирик мағлубият (0:5) ортидан кўп ўтмай содир бўлди. Бу ҳақда euro-football.ru хабар беради.
46 ёшли мураббий Томас Франк истеъфога чиқарилганидан кейин «Тоттенҳэм» бош мураббийлиги учун асосий номзодлардан бири сифатида тилга олинганди. Бироқ журналист Майкл Бридж берган маълумотларга кўра, де Дзерби ҳозирча дарҳол ишга қайтишни режалаштирмаяпти — у камида мавсум якунигача танаффус олиш ниятида.
Де Дзерби «Марсел»ни 2024 йил ёзидан бери бошқариб келганди. Тахминларга кўра, мавсумлар оралиғида у «Манчестер Юнайтед» ва «Манчестер Сити» каби топ-клублар вариантлари орасида ҳам кўриб чиқилиши мумкин — мос равишда Майкл Каррик ёки Хосеп Гвардиола жамоани тарк этса.