«Монако» Поконоли лицензияси йўқлиги учун 425 минг евро жарима тўлайди
«Монако» клуби бош мураббий Себастьен Поконоли билан боғлиқ муаммо сабаб катта миқдордаги молиявий жазога дуч келди, деб ёзади L'Equipe. Бу ҳақда euro-football.ru хабар беради.
Манбага кўра, мутахассисда Лига 1да ишлаш учун зарур бўлган лицензия ва малакани тасдиқловчи ҳужжат йўқ. Шу сабаб клуб Поконоли бошқарувида ўтказилган ҳар бир ўйин учун 25 минг евродан жарима тўлайди. Ҳозирча жарималар жами 425 минг еврога етган.
Эслатиб ўтамиз, бельгиялик мураббий «Монако»ни ўтган йили қабул қилиб олганди. Бугунги кунда жамоа 28 очко билан турнир жадвалида 10-ўринда бормоқда.