Наумов Моуриню учун Саудия лигасини мос кўрди
«Локомотив»нинг собиқ президенти Николай Наумов «Бенфика» бош мураббийи Жозе Моуриню фаолиятини давом эттириши мумкин бўлган чемпионат ҳақида фикр билдирди. У бу ҳақда «Евро-Футбол.Ru» нашрига берган суҳбатда айтиб ўтди. Бу ҳақда euro-football.ru хабар беради.
Наумовнинг таъкидлашича, португалиялик мутахассиснинг энг ёрқин даври ортда қолган ва унга қисқа танаффус фойда бериши мумкин. Эксперт Моуриню авваллари сирли ва кутилмаган қарорлари билан ажралиб турган бўлса, ҳозир футбол нуқтаи назаридан янгиланишда ортда қолгани, натижада ўртамийона ва одатий мураббийга айланиб қолгани ҳақида гапирди.
Наумовнинг фикрича, Моуриню учун энг мақбул йўналиш — Саудия Арабистони чемпионати. У ерда маошлар юқори экани, можароларни ёқтиришлари ва тажрибали, ёши катта юлдуз футболчилар билан ишлаш имконияти борлигини қайд этди.
Моуриню бошқарувидаги «Бенфика» Чемпионлар лигаси 1/16 финалида Мадриднинг «Реал» жамоасига қарши майдонга тушади. Дастлабки учрашув 17 февраль куни Португалияда бўлиб ўтади.