«Ал-Ҳилол» Нунесни рўйхатдан чиқарди, Бензема киритилди
Уругвайлик ҳужумчи Дарвин Нунес мавсумнинг қолган қисмида Саудия Арабистони чемпионатида майдонга туша олмайди. «Ал-Ҳилол»нинг италиялик бош мураббийи уни миллий лига учун аризадан чиқариб, клубга яқинда қўшилган Карим Бенземага жой бўшатди. Шунга қарамай, Нунес Осиё Чемпионлар лигаси учрашувлари учун жамоа рўйхатида қолдирилди. Бу ҳақда euro-football.ru хабар беради.
Эслатиб ўтамиз, Нунес аввалроқ Испаниянинг «Алмерия», Португалиянинг «Бенфика» ва Англиянинг «Ливерпул» клубларида тўп сурган. У 2019 йилдан бери Уругвай миллий жамоасига жалб этиб келинмоқда ва ҳозиргача терма сафида 13 та гол урган. Футболчи 2022 йил Қатарда ўтган жаҳон чемпионатида ҳам иштирок этган.