«Монако» беш дақиқада уч гол уриб «Нант»ни енгди
Жума куни «Монако» ўз майдонида «Нант»ни қабул қилди ва учрашув тақдирини биринчи бўлим ўртасидаги қисқа вақт ичида амалда ҳал қилиб қўйди. Бу ҳақда euro-football.ru хабар беради.
Ўйин бошида монаколиклар бир неча бор хавфли ҳужумлар уюштирди: Головин ҳужумларни тезлаштирди, Каю Энрике ва Вандерсон қанотлардан кескин узатмалар берди, Балогун эса бир неча вазиятда дарвозани нишонга олди. «Нант» посбони бир эпизодда Ваут Фаснинг зарбасини ҳам ажойиб тарзда қайтарди.
25-дақиқада «Нант» ҳимоясидаги хатодан сўнг Балогун зарба берди, дарвозабон қайтарган тўпни Симон Адингра бўш дарвозага жойлаб қўйди — 1:0. Орадан кўп ўтмай Головин дарвозабон билан яккама-якка чиқиб, пасни Адинграгa оширди ва у иккинчи голни ҳам урди — 2:0.
30-дақиқада «Монако»нинг тезкор қарши ҳужуми 4 га 2 форматида давом этди: Головин ҳамкорига тўпни чиқариб берди, Денис Закария эса аниқ зарба билан ҳисобни йириклаштирди — 3:0. Биринчи бўлим якунида «Нант» чап қанотдан ҳужум қилди, Дейвер Мачадо узатмасидан сўнг Фабьен Сентонз волей услубида «тўққизлик»ка уриб, фарқни қисқартирди — 3:1.
66-дақиқада Головин аввал ҳакам билан баҳси учун огоҳлантирилди, дарҳол ортидан эса ҳакамга қарсак чалганидан кейин иккинчи сариқ карточка билан майдондан четлатилди. Якунда «Монако» ҳисобни ушлаб қолди, сўнгги дақиқаларда Ансу Фати яккама-якка вазиятга чиқди, бироқ «Нант» дарвозабони дуэлда устун келди.
Бу натижадан кейин «Монако» турнир жадвалида еттинчи ўринда бормоқда, «Нант» эса деярли охирги — сўнгги поғонадан бир юқорида қолмоқда.