«Ал-Наср» мураббийи Роналду яқин ўйинда дам олишини айтди
«Ал-Наср» бош мураббийи Жорже Жезуш Криштиану Роналдунинг нега навбатдаги учрашувда майдонга тушмаслигини изоҳлаб берди. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик ҳужумчи яқин орада майдонга қайтиши кутилаётган бўлса-да, айнан шу ўйинда яна таркибдан жой олмайди.
Жезушнинг таъкидлашича, жамоа тиққиз тақвим сабаб Роналдуга ва асосий таркибдаги яна бир нечта футболчига дам беришга қарор қилган. Мураббий бунга сабаб сифатида олдинда «Ал-Фатеҳ»га қарши муҳим учрашув борлигини келтирди.
«Роналдуга дам берилиши янгилик эмас. Бу Саудия Арабистонидан ташқарида ўтказиладиган ўйинларда унинг иштирок этмай қолиши биринчи ҳолат эмас», — дея Жезушнинг сўзларини келтиради Al Nassr Zone.
Саудия чемпионатидаги «Ал-Фатеҳ» — «Ал-Наср» учрашуви шанба, 14-февраль куни бўлиб ўтади.