Нуньес Араб чемпионати рўйхатидан чиқарилди, Бензема киритилди
Уругвайлик ҳужумчи Дарвин Нуньес мавсумнинг қолган қисмида Араб чемпионатида майдонга тушмайди. «Ал-Ҳилол»нинг италиялик бош мураббийи жамоа таркибига янги қўшилган Карим Бенземани рўйхатга киритиш учун Нуньесни чемпионат учун берилган аризадан чиқариб ташлади. Бу ҳақда euro-football.ru хабар беради.
Шу билан бирга, Нуньес Осиё Чемпионлар Лигаси учрашувлари учун «Ал-Ҳилол»нинг қайдномасида сақлаб қолинди ва ушбу турнир доирасидаги ўйинларда жамоага ёрдам бериши мумкин.
Эслатиб ўтамиз, Нуньес аввалроқ Испаниянинг «Алмерия», Португалиянинг «Бенфика» ҳамда Англиянинг «Ливерпул» клубларида тўп сурган. У 2019 йилдан буён Уругвай терма жамоасига чақириб келинади, ҳозирча миллий жамоа сафида 13 та гол урган ва Қатар-2022 жаҳон чемпионатида ҳам иштирок этган.