Икарди уч гол уриб, «Галатасарой» тарихига кирди
Туркия чемпионати 22-тур учрашувида «Галатасарой» «Эйупспор»ни йирик ҳисобда мағлуб этди — 5:1. Баҳс қаҳрамони аргентиналик ҳужумчи Мауро Икарди бўлиб, у ушбу ўйинда хет-трик қайд этди. Бу ҳақда euro-football.ru хабар беради.
Ушбу учта гол Икардига клуб тарихидаги энг сермаҳсул легионерлар рўйхатида янги рекорд ўрнатиш имконини берди. Мауро энди «Галатасарой» сафида 76 та гол урди ва шу тариқа 75 та гол билан етакчилик қилиб келган руминиялик Георге Ҳажини ортда қолдирди. Умумий тўпурарлар рейтингида эса аргентиналик ҳужумчи еттинчи поғонада бормоқда.
Эслатиб ўтамиз, Мауро Икарди 2023 йилдан буён «Галатасарой» шарафини ҳимоя қилмоқда. У Истанбул клубига келишидан аввал Франциянинг «ПСЖ» жамоасида тўп сурган.