«Бетис» қарши ҳужумларда «Мальорка»ни мағлуб этди
Ла Лигада қуйи поғоналарга тушиб қолган «Мальорка» якшанба куни ўз майдонида «Бетис»ни қабул қилди. Севилияликлар тўпни рақибга кўпроқ бериб, иккинчи рақамда жуда тартибли ўйнади ва айнан қарши ҳужумларда устунликни қўлга киритди. Бу ҳақда euro-football.ru хабар беради.
Учрашувнинг 3-дақиқасида Марк Рока жарима майдони ташқарисидан зарба бериб, тўпни устунга тегкизди. «Мальорка» тезкор ҳужумда Хан Вирхили орқали хавфли вазият яратди, бироқ дарвозабон ҳушёр эди. 18-дақиқада эса «Бетис»нинг навбатдаги қарши ҳужуми самара берди: Антони дарвозабонни енга олмади, аммо Пабло Маффеонинг хатосидан сўнг Абде Эз ҳисобни очди — 0:1. Биринчи бўлимга қўшиб берилган дақиқаларда яна шиддатли ҳужум уюштирилди ва Антонинг узатмасидан Седрик Бакамбу аниқ фойдаланди — 0:2.
Иккинчи бўлимда Зиту Лувумбу ўйинга қизиқиш қайтариши мумкин эди, аммо қулай вазиятда дарвоза нишонга тегиза олмади. 66-дақиқада «Мальорка» барибир битта тўп билан жавоб берди: Серхи Дардернинг узатмасини Ведат Мурики бош билан якунлаб, ҳисобни қисқартирди — 1:2. Якунда мезбонлар дарвозабони Антони ва Эзнинг яна бир неча хавфли уринишларини қайтарди, бироқ ҳисоб ўзгармади.
Бу ғалабадан кейин «Бетис» турнир жадвалида 5-ўриндаги ўрнини мустаҳкамлади. «Мальорка» эса пастдан учинчи поғонада қолмоқда.