Паганин «Наполи» чемпионликни сақлаб қолишига ишонмайди
Миланнинг «Интер» клубида тўп сурган собиқ футболчи Антонио Паганин «Наполи» ўтган мавсум қўлга киритган чемпионликни бу йил ҳимоя қила олишига шубҳа билдирди. Унинг фикрича, турнир жадвалида ҳозирча неаполликлардан ортда бораётганига қарамай, «Ювентус» Милан жамоалари ўртасидаги курашга аралашиш учун яхшироқ имкониятга эга. Бу ҳақда euro-football.ru хабар беради.
Паганин шунингдек, Спаллеттининг иш услубини юқори баҳолаб, унинг терма жамоадаги муваффақиятсиз даври ҳануз тушунарсиз эканини айтди. «Милан»нинг асосий устунлиги — кубок баҳсларисиз ўйнаётгани, «Интер» эса очколар бўйича олдинда бўлса-да, олдинда дерби ва яна кўплаб муҳим ўйинлар борлигини таъкидлади. Унинг сўзларига кўра, 8 март куни бўлиб ўтадиган дерби чемпионлик пойгасида ҳал қилувчи омил бўлиши мумкин.
Эслатиб ўтамиз, Антонио Паганин «Интер» сафида 1990 йилдан 1995 йилгача фаолият олиб борган.