«Ан-Наср» мураббийи Роналдуга навбатдаги ўйинда дам берди
«Ан-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс ўтказади. Португалиялик юлдуз форвард тез орада майдонга қайтиши кутилaётганди, бироқ бу сафар ҳам у таркибда бўлмайди.
Жезушнинг таъкидлашича, жамоа зич тақвим сабаб Роналду ва асосий таркибнинг яна бир қатор футболчиларига дам беришни маъқул кўрган. Мураббий олдинда «Ал-Фатеҳ»га қарши муҳим ўйин турганини алоҳида қайд этди.
Шунингдек, Al Nassr Zone Жезушнинг сўзларини келтирар экан, Роналду Саудия Арабистонидан ташқарида ўтказиладиган учрашувларни ўтказиб юбориши клуб учун янги ҳолат эмаслигини ҳам эслатди.
Саудия Про-лигасидаги «Ал-Фатеҳ» – «Ан-Наср» баҳси шанба куни, 14 февралда бўлиб ўтади.