Икарди хет-триги «Галатасарой»да янги рекордни тақдим этди
Туркия чемпионатининг 22-турида «Галатасарой» «Эйюпспорт»ни йирик ҳисобда мағлуб этди — 5:1. Учрашув қаҳрамони аргентиналик ҳужумчи Мауро Икарди бўлиб, у рақиб дарвозасига уч бор аниқ зарба йўллади. Бу ҳақда euro-football.ru хабар беради.
Ушбу хет-трик Икардига клуб тарихида муҳим натижани ҳам олиб келди: у «Галатасарой»нинг энг сермаҳсул легионерига айланди. Аввал бу кўрсаткич руминялик Георге Ҳажига тегишли эди — 75 гол, Икардининг ҳисобида эса энди 76 гол бор.
Умумий тўпурарлар рўйхатида аргентиналик форвард ҳозирча еттинчи поғонада қайд этилмоқда. Эслатиб ўтамиз, Мауро Икарди 2023 йилдан буён «Галатасарой» сафида ўйнамоқда, ундан аввал эса ПСЖ шарафини ҳимоя қилган.