Манчестер Юнайтед трансферларда АПЛ тажрибасига таянади
Манчестер Юнайтед трансфер сиёсати бўйича муҳим қарорга келди. The Touchline хабарига кўра, клуб ёзги трансфер ойнасида асосий эътиборни Англия Премьер-лигасида ўзини аллақачон кўрсатган футболчиларни таркибга қўшишга қаратади. Бу ҳақда euro-football.ru хабар беради.
Манбада таъкидланишича, клуб раҳбарияти Браян Мбеумо ва Матеус Кунянинг мисолидан жуда мамнун. Манчестер Юнайтед ушбу футболчиларни Брентфорд ва Вулверхэмптонда барқарор ўйин кўрсатиб, АПЛда ўзини танитганидан кейин сафига қўшиб олганди.
Ҳозирда Манчестер Юнайтед Премьер-лига жадвалида тўртинчи ўринда бормоқда. Майкл Кэррик жамоаси навбатдаги учрашувини 23 февраль куни сафарда Эвертонга қарши ўтказади.