Флик «Барселона» мағлубиятида ҳакамни айбламаслик сабабини айтди
«Барселона» бош мураббийи Ханс-Дитер Флик «Жирона»га қарши учрашувдаги мағлубиятдан сўнг ҳакамликка эътироз билдиришга асос борлигини тан олса-да, натижани реферига юкламади. Эпизодда Клаудио Эчеверри ҳам гол олдидан Жюл Кунде билан тўқнашувда қоида бузганини тан олди. Бу ҳақда euro-football.ru хабар беради.
Флик журналистлар билан суҳбатда: «У ерда фол бўлган, тўғрими? Бошқа гап йўқ. Агар биз яхши ўйнаган бўлсак, бу қарорни танқид қилишим мумкин эди. Аммо мен буни баҳона сифатида ишлатилишини хоҳламайман», деди.
Тур якунига кўра «Барселона» пешқадамликни бой берди. Энди каталонияликлар етакчи «Реал»дан икки очко ортда қолмоқда.
«Барселона» навбатдаги ўйинини 22-февраль куни «Леванте»га қарши ўтказади. Бошланғич ҳуштак 20:15 да (Тошкент вақти билан) янграйди.