Икарди «Эюпспор»га уч гол уриб, тарихий рекорд қайд этди
Туркия чемпионатининг 22-тури доирасида «Галатасарай» «Эюпспор»ни йирик ҳисобда мағлуб этди — 5:1. Бу ҳақда euro-football.ru хабар беради.
Учрашув қаҳрамони аргентиналик ҳужумчи Мауро Икарди бўлди: у хет-трик қайд этиб, Истанбул клубининг янги рекордини ўрнатди. Натижада Икарди «Галатасарай» тарихидаги энг сермаҳсул легионерга айланди.
Икарди бу кўрсаткич бўйича руминялик Георги Ҳаджини ортда қолдирди: Ҳаджининг ҳисобида 75 гол бор эди, Мауро эса энди 76 гол билан пешқадам. Клубнинг умумий тўпурарлари рўйхатида эса аргентиналик футболчи еттинчи поғонани эгаллаб турибди.
Эслатиб ўтамиз, Мауро Икарди 2023 йилдан бери «Галатасарай» сафида тўп сурмоқда. У бундан аввал Франциянинг «ПСЖ» клубида ўйнаган.