Роналду ёзда Европанинг топ-клубларига қайтиши мумкин
Криштиану Роналду «Ал-Наср» билан юзага келган келишмовчиликларни бартараф этди ва бойкотдан сўнг яна майдонга қайтди. Шунга қарамай, ёзги трансферлар даврида португалиялик юлдуз клубини ўзгартириши эҳтимоли сақланиб турибди. Бу ҳақда euro-football.ru хабар беради.
The Touchline хабарига кўра, агент Жорже Мендеш аллақачон Европанинг етакчи жамоалари билан боғланиб, 41 ёшли Роналдуни ёзда таркибга қўшиш вариантини таклиф қилмоқда.
Аввалроқ ОАВда Роналду «Манчестер Юнайтед»дан кетганидан кейинги келишмовчиликлар сабаб Мендеш билан ҳамкорликни тўхтатгани ҳақида ёзилганди. Бироқ Transfermarkt маълумотларига кўра, Криштиану ҳанузгача Мендеш агентлигининг мижози сифатида қайд этилган.
Роналду ва «Ал-Наср» ўртасидаги амалдаги шартнома 2027 йилнинг ўрталаригача мўлжалланган.