«Бока Хуниорс» янги спорт директорини расман тайинлади
Аргентина гранди «Бока Хуниорс» клубида спорт директори лавозимига янги ном тайинланди: бу вазифани Марсело Делгадо бажаради. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
«Бока» таркибни зудлик билан кучайтиришга муҳтож ва энди Рикелме ҳамда Делгадо дуэти айнан шу йўналишда фаол иш олиб бориши кутилмоқда.
Делгадо футболчилик фаолиятида ҳам катта тажрибага эга: у Аргентина терма жамоасида 1995–2002 йилларда 18 учрашув ўтказган ва 1998 йилги Жаҳон чемпионатида ҳам майдонга тушган.
Шунингдек, 2003 йилда у Либертадорес кубогида «Сантос» ҳужумчиси Рикардо Оливейра билан бирга мусобақанинг энг кўп гол урган футболчиси сифатида қайд этилган.