«Бока Хуниорс» спорт директори лавозимига Марсело Делгадо тайинланди
Аргентина гранди «Бока Хуниорс» клубда янги спорт директори ким бўлишини расман маълум қилди: бу лавозим Марсело Делгадога ишониб топширилди. У клуб президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.
Жамоа таркибни тез фурсатда кучайтиришга муҳтож экани таъкидланмоқда. Энди Делгадо ва Рикелме олдида трансферлар ҳамда жамоани мустаҳкамлаш бўйича муҳим вазифалар турибди.
Делгадо футболчилик фаолиятида ҳам катта тажрибага эга: у Аргентина терма жамоасида 1995–2002 йилларда 18 та учрашув ўтказган ва 1998 йилги жаҳон чемпионатида ҳам иштирок этган.
Шунингдек, 2003 йилда Делгадо Либертадорес кубогида энг кўп гол урган футболчилар қаторидан жой олган. У бу кўрсаткич бўйича «Сантос» ҳужумчиси, бразилиялик Рикардо Оливейра билан тенг натижа қайд этган.