Роналду Европанинг топ-клубларига таклиф қилинмоқда, Мендеш қўнғироқ қилди
Криштиану Роналду «Ал-Наср» билан келишмовчиликларни ортда қолдирди ва бойкотдан сўнг яна майдонга қайтди. Шунга қарамай, ёзда португалиялик юлдуз клубини ўзгартириши эҳтимоли ҳамон бор. Бу ҳақда euro-football.ru хабар беради.
The Touchline хабарига кўра, агент Жорже Мендеш Европанинг бир қатор топ-клублари билан боғланиб, ёзги трансфер ойнасида 41 ёшли Роналдуни таркибга қўшишни таклиф қилмоқда.
Аввалроқ матбуотда Роналду «Манчестер Юнайтед»дан кетганидан кейин келишмовчиликлар сабаб Мендеш билан ҳамкорликни тўхтатгани ҳақида гаплар чиққан эди. Бироқ Transfermarkt маълумотларида Криштиану ҳанузгача Мендеш агентлигининг мижози сифатида кўрсатилган.
Роналдунинг «Ал-Наср» билан амалдаги шартномаси 2027 йил ўрталаригача мўлжалланган.