Осимҳен «Галатасарай»да ўзини эркин ҳис қиляпти, аммо сўровлар бор
Ҳужумчи Виктор Осимҳен ҳозирча «Галатасарай»даги ҳаётидан мамнун ва клубини ўзгартириш зарурати борлигини сезмаяпти. Нигериялик футболчига жамоа муҳити ва таркиб ёқаётгани таъкидланади. Бу ҳақда euro-football.ru хабар беради.
Шу билан бирга, The Touchline хабарига кўра, ёзги трансфер ойнасида бир нечта топ-клуб Осимҳенга қизиқиш билдириши мумкин. Ҳозирча эса аниқ таклифлар, алоқалар ёки музокаралар ҳақида гап йўқ.
Манбада қайд этилишича, эҳтимолий трансфер бўйича якуний қарор футболчининг ўзи танловига боғлиқ бўлади.
Осимҳен «Галатасарай» сафида 64 та расмий учрашувда майдонга тушиб, 52 та гол урди ва 13 та голли узатма муаллифи бўлди.
Transfermarkt портали 27 ёшли ҳужумчини 75 миллион евроға баҳоламоқда.