Престианининг «Реал»га қарши ўйнаган футболкаси аукционга қўйилди
Португалиянинг «Бенфика» клуби вингери Жанлука Престианининг Мадриднинг «Реал»ига қарши баҳсда кийган футболкаси аукцион савдосига чиқарилди. 17 февраль куни бўлиб ўтган Европа Чемпионлар лигаси плей-оффининг илк учрашувида «Реал» 1:0 ҳисобида ғалаба қозонган, ўйин эса Престианининг ирқчилик бўйича эътирозлари билан ҳам ёдда қолган. Бу ҳақда euro-football.ru хабар беради.
Ушбу либос «Бенфика»нинг расмий ҳамкори саналадиган Match Worn Shirt платформаси орқали сотувга қўйилди. Ҳозирча футболкани харид қилиш учун 46 та таклиф келиб тушган, энг юқори таклиф 1 минг еврони ташкил этмоқда.
Аргентина «Велез Сарсфилд» академияси тарбияланувчиси Престиани 2024 йилдан бери «Бенфика» сафида тўп сурмоқда. Жорий мавсумда у 30 та ўйинда майдонга тушиб, 2 та гол урди ва 2 та голли узатмани амалга оширди.