Биляллетдинов Роналду ёши катта бўлса ҳам юқори даражада
Таниқли мураббий Ринат Биляллетдинов Саудия Арабистонининг «Ал-Наср» клубида тўп сураётган Криштиану Роналду ҳақида фикр билдирди. Бу ҳақда euro-football.ru хабар беради.
Мутахассиснинг таъкидлашича, Роналду ўзига хос футболчи бўлиб, унинг натижаларини такрорлаш деярли имконсиз. Биляллетдинов 40 ёшдан ошганига қарамай, португалиялик ҳужумчи ҳануз энг юқори савияда ўйнашга интилаётганини алоҳида қайд этди.
Жорий мавсумда 41 ёшли Роналду барча мусобақаларда 23 учрашувда майдонга тушиб, 19 та гол ва 3 та голли узатмага муаллифлик қилди.
Саудия чемпионатининг 21-туридан сўнг «Ал-Наср» турнир жадвалида 52 очко билан учинчи ўринда бормоқда.