«Марсель»нинг янги мураббийи ишонч бироз пасайганини айтди
«Марсель» бош мураббийи Ҳабиб Беййе янги жамоасидаги илк ўйинидан кейин фикр билдирди. Франция чемпионатининг 23-турида марселликлар «Брест»га сафарда 0:2 ҳисобида имкониятни бой берди. Бу ҳақда euro-football.ru хабар беради.
Мутахассиснинг таъкидлашича, биринчи бўлимда жамоа етарли даражада шиддат кўрсата олмади. Учрашув давомида тактик ўзгариш ва белгиланган пенальти вазиятни ўзгартириб юбориши мумкин эди, бироқ бу ғалаба учун кифоя қилмади.
Беййе жамоада ишонч бироз камайганини ҳам яширмади. Унинг сўзларига кўра, салбий натижалар серияси футболчиларга босим қилмоқда ва у улардан ижобий руҳда қолиб, ишга максимал эътибор қаратишни сўраган.
Ҳозирда «Марсель» турнир жадвалида 40 очко билан тўртинчи ўринда бормоқда.