Анчелотти: ишонч бўлмаса, мураббийлик узоқ турмайди
Карло Анчелотти мураббийлик касбининг энг муҳим жиҳати ҳақида фикр билдирди. Италиялик мутахассиснинг таъкидлашича, бу ишда ҳаммаси раҳбарият ва жамоа ишончига бориб тақалади. Бу ҳақда euro-football.ru хабар беради.
«Мураббий билан шартнома ишонч бор экан амал қилади. Мени деярли ҳамма жойда ишдан бўшатишган. Мен ўнта клубда ишлаганман, шундан еттитасида мени бўшатишган», — дея Анчелоттининг сўзларини Cadena SER келтирди.
Маълумки, Карло Анчелотти ўтган ёздан буён Бразилия миллий терма жамоасини бошқариб келмоқда. 2026 йилги жаҳон чемпионати гуруҳ босқичида «селесао» Шотландия, Гаити ва Марокко билан тўқнаш келади. Бразилияликлар 2002 йилдан бери илк бор мундиални ютишни асосий мақсад қилиб қўйган.