Анчелотти: мураббий шартномаси ишонч қолгунча давом этади
Карло Анчелотти мураббийлик касбининг энг муҳим жиҳати ҳақида фикр билдирди. Италиялик мутахассисга кўра, бу соҳада ҳамма нарса клуб ва мураббий ўртасидаги ишончга бориб тақалади. Бу ҳақда euro-football.ru хабар беради.
«Мураббий билан шартнома ишонч сақланиб турган пайтгача амал қилади. Мени деярли ҳамма жойда ишдан бўшатишган. Мен ўн клубда ишлаганман ва уларнинг еттитасида мени истеъфога чиқаришган», — дея Анчелоттининг сўзларини Cadena SER келтирди.
Эслатиб ўтамиз, ўтган ёздан буён Карло Анчелотти Бразилия миллий терма жамоасини бошқармоқда. 2026 йилги жаҳон чемпионати гуруҳ босқичида «селесао» Шотландия, Гаити ва Марокко билан баҳс олиб боради. Бразилия мундиални 2002 йилдан бери илк бор ютишни асосий мақсад қилиб қўймоқда.