Кавани ҳуштакбозлик остида қолди ва «Бока»даги келажаги номаълум
Уругвайлик ҳужумчи Эдинсон Кавани «Бока Хуниорс»ни тарк этиши мумкин. Гап унинг шахсий истагида эмас, балки мухлислар норозилиги тобора кучаяётганида. Сўнгги ўйинда у алмаштирилганида, майдонни тарк этиши ҳуштаклар садолари остида кечди. Бу ҳақда euro-football.ru хабар беради.
Алмаштириш эса натижага таъсир қилмади: «Бока» «Платенсе» дарвозасини ишғол қила олмади ва учрашув 0:0 ҳисобида якунланди. Аргентина ОАВи энди Каванининг шартномасини узайтириш масаласига эҳтиёткорона ёндашмоқда. Қолаверса, клуб парагвайлик Адам Барейрони ҳам қўлга киритди ва кўпчилик у 39 ёшли тажрибали футболчини асосий таркибдан сиқиб чиқаришини кутмоқда.