«Кремонезе» мураббийи Никола мағлубиятдан кейин фикр билдирди
Италия А Сериясининг навбатдаги турида «Рома» ўз майдонида «Кремонезе»ни йирик ҳисобда мағлуб этди. Давиде Никола бошқарувидаги жамоа дарвозасига жавобсиз учта гол ўтказиб юборди. Бу ҳақда euro-football.ru хабар беради.
Учрашувдан сўнг меҳмонлар устози омадсиз ўйин бўйича изоҳ берди. Никола футболчилари фақат биринчи 60 дақиқада режани тўлиқ бажарганини, кейин эса ўйин бутунлай бошқа томонга оғиб кетганини таъкидлади.
«Ютқазганингда саволлар доим бўлади, мағлуб бўлишни ҳеч ким ёқтирмайди. Дастлабки 60 дақиқада биз жуда тартибли ўйнадик, жанговор руҳ ҳам бор эди. Кейин ҳаммаси ўзгарди. Шунга қарамай, менимча, биз «Кремонезе» ҳурматга лойиқ эканини кўрсатдик. Очко йиғиш эса ҳар доим осон бўлмаган», — дея Никола сўзларини forzaroma.info келтирди.
Ушбу мағлубиятдан кейин «Кремонезе» А Серия турнир жадвалида 16-ўринга тушиб кетди.