ПСЖ Жоау Невеш билан 2030 йилгача келишиб олди
“Пари Сен-Жермен” ярим ҳимоячиси Жоау Невеш клуб билан янги шартнома борасида келишувга эришди. Фабрицио Романо маълумотига кўра, томонлар 2030 йилгача мўлжалланган битим шартларини тўлиқ муҳокама қилиб, якуний келишувга яқинлашган. Бу ҳақда euro-football.ru хабар беради.
Манбаларга кўра, 21 ёшли португалиялик футболчининг маоши ҳам оширилади. Невеш ПСЖ сафига 2024 йил ёзида “Бенфика”дан 65 млн евродан ортиқ сумма эвазига келиб қўшилганди, унинг амалдаги шартномаси эса 2029 йилда якунланиши керак.
Жорий мавсумда Луис Энрике жамоасида барча мусобақаларда 23 ўйинда майдонга тушган Невеш 6 та гол уриб, 2 та голли узатма ҳам муаллифига айланган.