«Интер» Эспозито бўйича «Арсенал» ва МЮга рад жавобини берди
Миланнинг «Интер» клуби ҳужумчиси Франческо Пио Эспозито Англия Премьер-лигаси вакилларининг эътиборини тортди. Бу ҳақда euro-football.ru хабар беради.
Манбага кўра, 20 ёшли футболчини «Арсенал» ҳамда «Манчестер Юнайтед» ўз сафига қўшиб олишга уринган, бироқ «нерадзуррилар» бу таклифларни рад этган. Журналист Николо Скира хабар беришича, бош мураббий Кристиан Киву ва спорт директори Пьеро Аузилио Эспозитони катта салоҳият эгаси деб билади ва у бўйича келишувларни кўриб чиқмоқчи эмас.
Transfermarkt баҳосига кўра, иқтидорли италиялик футболчининг бозор қиймати 35 миллион еврони ташкил этади. Жорий мавсумда Эспозито «Интер» сафида барча турнирларда 35 ўйинда 7 та гол уриб, 6 та голли пас муаллифи бўлди.