Родриго Роналду билан бир жамоада ўйнашни орзу қилган
Мадриднинг “Реал” клуби ҳужумчиси Родриго бир пайтлар Криштиану Роналду билан бир жамоада тўп суришни жуда истаганини айтди. Бу ҳақда euro-football.ru хабар беради.
Португалиялик суперюлдуз “қаймоқранглилар” сафини 2018 йил ёзида тарк этган, бразилиялик футболчи эса Мадридга бир йилдан кейин келиб қўшилган.
“Мен Роналду билан бирга ўйнашни хоҳлагандим, аммо бу амалга ошмади. Афсус, чунки Криштиану — менинг кумирим”, — дея Родриго сўзларини Madrid Universal келтирди.
Эслатиб ўтамиз, Роналду “Реал”дан “Ювентус”га йўл олган, кейин эса “Манчестер Юнайтед”да ҳам ўйнаб улгурди. 2023 йил бошидан буён эса у Саудия Арабистонининг “Ал-Наср” клуби шарафини ҳимоя қилмоқда.
Родриго “Реал” сафида 296 та учрашувда майдонга тушиб, 71 та гол ва 57 та голли узатмага муаллифлик қилган.