Гвардиола Реал билан ўйин олдидан тақвимдан норози
"Манчестер Сити" бош мураббийи Хосеп Гвардиола жамоасининг ўйинлар тақвими бўйича яна эътироз билдирди. Бу ҳақда euro-football.ru хабар беради.
Шанба куни "шаҳарликлар" "Лидс"ни минимал ҳисобда мағлуб этди, чоршанба куни эса "Ноттингем Форест"га қарши баҳс ўтказади. Кейинроқ, 7 март куни Гвардиола жамоаси Англия Кубогида "Ньюкасл" билан майдонга тушади, орадан тўрт кун ўтиб эса Чемпионлар лигаси 1/8 финалининг илк учрашувида Мадридда "Реал"га қарши сафар ўйинини ўтказади.
"Англия Кубогидаги "Ньюкасл"га қарши сафар баҳсимизни 15:00 ўрнига 22:00 га (Тошкент вақти билан) қўйганингиз учун катта раҳмат. Энди Мадридга учишдан олдин тикланиш учун вақтимиз янада қисқаради. Жуда катта миннатдорчилик!" — дея Гвардиоланинг сўзларини келтиради The Touchline.
"Манчестер Сити" ва "Реал" ўртасидаги жавоб учрашуви 17 мартга белгиланган.