OpenAI янгиланган GPT-5.3 Instant моделини тақдим этди
OpenAI сешанба куни ChatGPTʼнинг энг кўп ишлатиладиган модели учун GPT-5.3 Instant янгиланишини эълон қилди. Компаниянинг таъкидлашича, ушбу модел мулоқотдаги «ноқулайлик» (cringe) ҳолатларини камайтиради, қидирув натижаларига кўпроқ контекст қўшади ва тилни қайта ишлаш имкониятларини яхшилайди.
Янгиланган модел аниқроқ жавоблар беради, веб-қидирувда бойитилган натижаларни тақдим этади ҳамда суҳбат оқимига халақит берадиган ортиқча чекловлар ва кескин ибораларни камайтиради. OpenAI вакилларининг сўзларига кўра, асосий эътибор фойдаланувчилар ҳар куни дуч келадиган жиҳатларга — мулоқот оҳанги, маълумотларнинг долзарблиги ва суҳбатнинг табиийлигига қаратилган.