DRAM хотира нархлари икки баробар қимматлашиши кутилмоқда
Жаҳон бозорида DRAM хотира чиплари нархининг кескин ошиши кутилмоқда. Саноат экспертларининг прогнозларига кўра, 2026 йилнинг биринчи чорагида хотира нархлари 100 фоиздан кўпроққа қимматлашади. Самсунг, SK Ҳйних ва Миcрон каби етакчи ишлаб чиқарувчилар таъминотни чеклаш орқали нархларни сунъий равишда юқори ушлаб туришибди. Нанйа Течнологй раҳбари Ли Пей Иннинг сўзларига кўра, бу ҳолат узоқ вақт давом этади ва бозор 2028 йилнинг иккинчи ярмигача барқарорлашмайди. Бу ҳақда rozetked.me хабар беради.
Ушбу инқироз AI технологияларига бўлган талабнинг кескин ортиши билан боғлиқ. Ишлаб чиқарувчилар эндиликда анъанавий йиллик шартномалардан воз кечиб, мижозларни қисқа муддатли, яъни чораклик ёки ойлик келишувларга ўтишга мажбур қилмоқда. Бу эса технология компаниялари учун катта молиявий қийинчиликларни келтириб чиқаради.
Вазиятдан чиқиш йўлини излаётган Аппле компанияси аллақачон муқобил вариантларни кўриб чиқмоқда. Хусусан, гигант компания Самсунг ва бошқа йирик етказиб берувчиларга қарамликни камайтириш мақсадида Хитой ишлаб чиқарувчилари маҳсулотларини синовдан ўтказмоқда. Келажакда иПҳоне 18 ва янги МаcБоок моделларида айнан шу муқобил чиплардан фойдаланилиши мумкин. Мутахассислар ушбу танқислик технология оламида янги тартиб ўрнатилишига ва нархларнинг узоқ муддат юқори даражада қолишига сабаб бўлишини таъкидлашмоқда.