Мақсад йўқ қилиш эмас: Исроил нимага интиляпти?
Буюк Британиянинг нуфузли Financial Times нашри тарқатган маълумотларга кўра, Исроилнинг асосий мақсади Эронни бутунлай йўқ қилиш эмас. Манбалар таъкидлашича, Исроил раҳбариятининг асосий нияти мамлакатдаги сиёсий бошқарувни ўзгартириш, яъни амалдаги ҳокимият тизимини алмаштиришдан иборат.
Нашр суҳбатлашган манбаларнинг айтишича, ҳарбий тўқнашув бошланган дастлабки кунларда Америка Қўшма Штатлари ва Исроил томонидан илгари сурилган талаблар анча қатъий ва кескин бўлган. Бироқ вақт ўтиши, уруш узоққа чўзилиб бориши билан бу талаблар аста-секин юмшоқроқ тус ола бошлаган.
Кузатувчиларнинг фикрича, узоқ давом этаётган ҳарбий қарама-қаршилик ҳар икки томонни ҳам дастлабги режаларига ўзгариш киритишга мажбур қилади. Шу сабабли айрим сиёсий доиралар бу вазиятни янги музокаралар ёки сиёсий босим орқали таъсир кўрсатишга қаратилган стратегия билан боғламоқда.
Мутахассислар таъкидлашича, агар уруш яна давом этадиган бўлса, халқаро майдондаги босим ва дипломатик ҳаракатлар янада кучайиши мумкин. Чунки минтақадаги бу можаро нафақат икки давлат ўртасидаги қарама-қаршилик, балки бутун Яқин Шарқдаги сиёсий мувозанатга ҳам жиддий таъсир кўрсатиши мумкин.