Илия Топурия Ислом Махачевни қочқинликда айблади
Енгил вазн тоифасида UFC чемпиони Илия Топурия яқинлашиб келаётган жанглар ва рақиблари ҳақида кескин фикрлар билдирди. Унинг сўзларига кўра, дастлаб "Оқ Уй"да ўтказиладиган турнирда Ислом Махачев билан тўқнашиши режалаштирилган эди. Бироқ, чемпионнинг таъкидлашича, Махачев жароҳатини баҳона қилиб, жангдан бош тортган.
Топурия бу вазиятдан норозилигини яширмади ва рақибини очиқчасига айблади. Унинг сўзларига кўра, жанг ташкилотчилари дастлаб Махачев номини таклиф қилганда, у иккиланмасдан рози бўлган. Бироқ, эртаси куни Исломнинг жароҳат олгани ҳақидаги хабар барча режаларни ўзгартириб юборди. Натижада, унинг ўрнига Жастин Гетжи билан жанг қилиш таклиф этилди.
Илия Топурия ўзининг янги рақиби Жастин Гетжига ҳам мурожаат қилиб, уни тез орада нокаутга учратишини ваъда қилди. Спортчи Ислом Махачевнинг қочиши сабабли айнан Гетжи товон тўлашига тўғри келаётганини қўшимча қилди. Эслатиб ўтамиз, мазкур жанг 2025 йил 14 июнь куни бўлиб ўтиши белгиланган.