Ёқилғи танқислиги: Ветнам ходимларни "онлайн" ишлатмоқчи

Ветнам ҳукумати ёқилғи сарфини қисқартириш мақсадида корхоналарга ходимларни "онлайн" ишлаш тартибига ўтказишни тавсия қилди. Бу ҳақда мамлакат Саноат ва савдо вазирлиги маълумот тарқатди.

Маълум қилинишича, АҚШ ва Исроилнинг Эрон билан урушга кириши ортидан халқаро энергия бозорида жиддий беқарорлик юзага келган. Натижада ёқилғи таъминотида узилишлар кузатилиб, нархлар кескин ошиб кетган.

Шу сабабли Ветнам ҳукумати ёқилғи сарфини камайтириш бўйича қатор чораларни кўриб чиқмоқда. Хусусан, идоралар ва хусусий корхоналарга имконият даражасида ходимларга "онлайн" ишлашга рухсат бериш тавсия этилган.

Мутахассислар фикрича, бундай чора транспорт ҳаракатини камайтиради ва натижада ёқилғи истеъмолини сезиларли даражада қисқартиради. Бу эса мамлакат иқтисодиётига тушаётган босимни маълум даражада енгиллаштириши мумкин.

Қайд этилишича, Яқин Шарқдан келадиган энергия ресурсларига катта даражада боғлиқ бўлган Ветнам ҳозирги вазиятдан энг кўп таъсирланаётган давлатлардан бири ҳисобланади. Шу боис расмийлар энергияни тежашга қаратилган қўшимча чораларни ҳам ишлаб чиқмоқда.