Қизни зўрлаган гуруҳ: Ангрен шаҳридаги суд ҳукми эълон қилинди

Ангрен шаҳрида вояга етмаган қизга нисбатан жиноят содир этган бир гуруҳ шахслар бўйича суд ҳукми эълон қилинди. Бу ҳақда Ўзбекистон Олий суди матбуот хизмати маълум қилди.

Ушбу иш ўтган йил ёзида кенг жамоатчилик эътиборини тортган эди. Бугун Ангрен шаҳар жиноят ишлари бўйича суди С. Қ. (2006 йилда Туғилган, Тошкент вилояти), З. У. (2004 йилда Туғилган, Тошкент вилояти), Д. Ў. (2004 йилда Туғилган, Тошкент вилояти) ва А. У. (2003 йилда Туғилган, Тошкент вилояти)га оид ишни кўриб чиқди ва ҳукм чиқарди.

Жиноий иш Ўзбекистон Жиноят-процессуал кодексининг 19-моддасига мувофиқ, ёпиқ суд мажлисида кўриб чиқилган.

Суд қарорига кўра, С. Қ., З. У., Д. Ў. ва А. У. вояга етмаган С. Я. (2010 йилда туғилган қиз)га нисбатан Ўзбекистон Жиноят кодексининг 118-моддаси 3-қисми “а” банди, 119-моддаси 3-қисми “а” банди ва бошқа тегишли моддалари бўйича жиноят содир этганликда айбли деб топилди.

Суд томонидан белгиланган жазолар қуйидагича:

• С. Қ. – 118-моддаси 3-қисми “а” банди бўйича 10 йил озодликдан маҳрум қилиш,
• З. У. – 118 ва 119-моддалар бўйича 12 йил,
• Д. Ў. – 10 йил 6 ой,
• А. У. (ИИ-гуруҳ ногирони) – 7 йил 6 ой озодликдан маҳрум қилиш.

Суд ҳукми устидан томонлар қонунда белгиланган тартиб ва муддатларда Тошкент вилоят суди апелляция ёки кассация инстантсиясига шикоят бериш ҳуқуқига эга.