БААда сайёҳлар ракета видеолари учун жазоланиши мумкин
The Guardian нашри хабар қилишича, Бирлашган Араб Амирликларида сайёҳлар ракета ҳужумлари ҳақида видеолар суратга олган ва уларни қайта тарқатгани учун депортация қилиниши ёки қамоқ жазосига тортилиши мумкин.
Мазкур турдаги видеоконтент тарқатиш 54 000 долларгача жарима билан жазоланиши мумкин ва суратга олиш ҳам “кибержиноятчилик ва аҳоли орасида хавотир уйғотиш” сифатида баҳоланиши мумкин.
Хабарда айтилишича, 20 нафарга айблов қўйилган, улар орасида Буюк Британиядан келган 60 ёшли сайёҳ ҳам бор. Полиция унинг телефонидан Эрондан Дубайга қилинган ракета ҳужуми видеосини топган.