Улуғбек Раҳматуллаев ва Умидахондан мухлислар учун янги дует — “Ёндимей” (аудио)
Ўзбек эстрадасининг машҳур вакиллари Улуғбек Раҳматуллаев ва Умидахон мухлислар учун яна бир ёқимли янгилик билан чиқиш қилди. Ижодкорлар биргаликда янги дует куйлаб, уни 20 март куни тингловчилар эътиборига ҳавола этди.
“Ёндимей” деб номланган ушбу тарона YouTube платформасида премера қилинди. Ҳозирча қўшиқ аудио шаклида тақдим этилган бўлса-да, қисқа фурсатда у мухлислар қалбидан жой олишга улгурди.
Тингловчилар дуетни илиқ кутиб олиб, қўшиқни юқори баҳолашмоқда. Изоҳларда кўпчилик ушбу тарона учун тез орада чиройли ва мазмунли клип ҳам суратга олиниши кутилаётганини ёзмоқда.
Мухлислар, шунингдек, Улуғбек Раҳматуллаев ва Умидахонга ижодий муваффақиятлар тилаб, улардан келгусида ҳам шундай ёқимли ва сифатли дуетларни кутишини билдиришмоқда.