“У мени орқамдан ўпиши керак”. Трамп омма олдида “қора шаҳзода”ни камситди
27 март куни АҚШ Президенти Дональд Трамп Майамида Саудия Арабистони кўмагида ташкил этилган Future Investment Initiative форумида мамлакат валиаҳд шаҳзодаси Муҳаммад бин Салмон Ол Сауд ҳақида қўпол фикр билдирди. Ушбу форум Оқ уй томонидан жонли эфирда намойиш қилинди.
Трампнинг баёнотига кўра, Саудия Арабистони валиаҳд шаҳзодаси Муҳаммад бин Салмон уни паст баҳолаган ва энди унинг “орқасидан ўпишга” мажбур.
“У мени орқамдан ўпиши керак”, дейди Трамп АҚШ ва Саудия Арабистони муносабатларига изоҳ бериб.
Унинг фикрига кўра, Подшоҳлик валиаҳд шаҳзодаси Трампни “мамлакати парчаланиб бораётган навбатдаги муваффақиятсиз Президент” деб ҳисоблаб, уни етарлича қадрламаган, энди эса шаҳзода Трампга нисбатан яхши муомала қилишга мажбур.
“У мени шунчаки навбатдаги омадсиз Америка Президенти, мамлакат эса жарликка қараб кетади деб ўйлаган эди. Лекин энди у менга нисбатан мулойим бўлиши керак. Унга айтинг, менга яхши муомала қилсин”, дейди Трамп ўз нутқи давомида.