«Без хәзер җырларда гына...» – Мурат Гайсин тагын аерылган?
Татар-башкорт эстрадасы җырчылары Мурат Гайсин Һәм Сөмбел Яркәева ел башында үзләренең күптән бергә булулары турында хәбәр иткәннәр иде. Җырчылар күп кенә уртак концертлар да куеп йөрделәр. Әмма, Сөмбеләнең социаль челтәрдәге соңгы постына караганда, парның никахы озын гомерле булмаган. Бу хакта Сөмбелә Мурат белән «Коча алсам» дигән яңа дуэт җырларын тәкъдим иткәндә әйтте.
«Күпләрегез бик көтте шушы җырыбызны. Бик күпләрнең мәхәббәтен яуладык. Ә күпләрнең…
Без хәзер җырларда гына…
Мурат, рәхмәт...» – дип яза ул.
Мурат Гайсин 2022 ел азагында беренче хатыны белән дә аерылышкан иде. Аның беренче никахыннан кызы бар.