«Рульдәге хатын ире күз алдында үлде»: 18 яшьлек егет идарә иткән Audi каршыга чыккан
Кичә Түбән Кама районында юл-транспорт һәлакәтендә 56 яшьлек хатын һәлак булган. Анда Audi и Renault машиналары бәрелешкән. «Ире күз алдында үлде», – дип яза KazanFirst сайты
Якынча мәгълүматлар буенча, Audi белән идарә иткән 18 яшьлек егет юл йөрү кагыйдәләрен тупас бозган, каршы як полосага чыккан һәм Renault белән бәрелешкән.
Видео язмасыннан күренгәнчә, Renault машинасы юл читенә очып чыккан һәм әйләнеп капланган.
Фаҗига шаһитлары сүзләренчә, автомобильдә ир белән хатын барган. Алгы утыргычта пассажир булган ир-атны оператив рәвештә тартып чыгарганнар. Ә менә машина белән идарә иткән хатынны салоннан берьюлы берничә кеше чыгарырга тырышкан, диелә хәбәрдә.
«Татарстан-24» каналы фаҗига урыныннан кадрларны күрсәтте.
Фото: © «Татарстан-24» каналы