Россиянең күпчелек елгалары төрле дәрәҗәдә пычранган. Адыгея, Краснодар, Алания, Волгоград, Кырым, Алтай, Хакасия, Иркутск һәм Кемерово өлкәләренең кайбер елгалары чагыштырмача чиста дип саналырга мөмкин. Бу турыда РИА Новости яза. «Адыгея, Краснодар һәм Волгоград өлкәсендәге су объектларының күбесе су сыйфаты канәгатьләнерлек булуы белән аерылып тора. Кырым Республикасының сулыклары яхшы сыйфат белән бәяләнә, агымнарның 23,1 проценты „шартлы чиста“, 30,8 проценты „бераз пычранган“. Алтай (66 процент) һәм Хакасия (25 процент), Иркутск (84 процент) һәм Кемерово (18 процент) төбәкләрендә өслектәге сулар „шартлы чиста“ яки „бераз пычратылган“ сулар дип бәяләнә», диелә күзәтүдә. Моннан тыш, Төньяк Осетия-Алания Республикасының җир өстендәге сулары «шартлы чиста» (47,1 процент), «бераз пычратылган» (17,7 процент), «пычранган» (11,8 процент) су сыйфаты белән аерылып тора. Ставрополь территориясендә сулыклар «бераз пычранган» (27,8 процент), «бик пычрак» (5,5 процент). Урал федераль округы озак еллар күзәтүдән чыгып бәяләнгәнчә, җир өстендәге су пычрану югары дәрәҗәдә булу белән аерылып тора. Үзәк федераль округта Владимир, Мәскәү, Рязань, Тула өлкәләренең су объектларында киеренке экологик хәл саклана, су сыйфаты «пычрак» дип бәяләнә. Төньяк-Көнбатыш федераль округта күпчелек су объектлары «пычранган» сулар белән сыйфатлана. Көньяк федераль округта Әстерхан һәм Ростов өлкәләренең су объектлары (90,9 һәм 79,7 процент) «пычрак» диелгән. Идел буе федераль округы территориясендә күпчелек су объектларында су сыйфаты «пычранган» дип бәяләнә. Себер федераль округында Новосибирск өлкәсенең җир өстендәге суларының 82 процент һәм Томск өлкәсендә 68 процент «пычрак» дип бәяләнә. Республикаларның күпчелек су объектлары: Тыва (67 процент), Хакасия (65 процент); территорияләре: Алтай (68 процент), Красноярск (81 процент); регионнары: Кемерово (72 процент), Омск (75 процент) «пычранган» су белән аерылып тора. Ерак Көнчыгыш федераль округ территориясендә, Приморье һәм Хабаровск өлкәләрендә, шулай ук Сахалин өлкәсендә җир өстендәге сулар «пычрак» дип бәяләнә, диелә бу хәбәрдә.
