Зеленский Украинада жаппай жұмылдыру жүргізілетіні туралы қаулы шығарды
Владимир Зеленский Украинада 90 күн бойы жаппай жұмылдыру жүргізілетіні туралы қаулы шығарды, - деп хабарлайды Tengrinews.kz тілшісі РИА Новостиге сілтеме жасап.
Бейсенбіде украиналық УНИАН ақпараттық агенттігі Telegram-да Зеленский Украина Жоғарғы Радасына жалпы жұмылдыру туралы заң жобасын ұсынғанын хабарлады.
Қаулыға сәйкес Винница, Волынь, Днепропетровск, Донецк, Житомир, Закарпатье, Запорожье, Ивано-Франковск, Киев, Кировоград, Луганск, Львов, Николаев, Одесса, Полтава, Ровна, Сумы, Тернополь, Харьков, Херсон, Хмельницкий, Черкассы, Черновцы, Чернигов облыстары, Киев қаласы аумақтарында 90 күн ішінде жаппай жұмылдыру жұмыстары жүргізіледі.
Айта кетейік, 23 ақпанда Ресей президенті Владимир Путин Донбасста арнайы әскери операция өтетінін мәлімдеді. Сонымен қатар ол Ресейдің жоспарында Украинаға шабуыл жасау мақсаты жоқтығын айтты. Осы уақытта CNN тілшісі Киевте тікелей эфир кезінде бірнеше жарылыс дыбысын естігенін айтты.
Бұған дейін Ресей Украинаға толыққанды шабуылды бастағаны хабрланған болатын. Жергілікті тұрғындар да Ресей мен Украина шекарасындағы бірқатар қалада жарылыс болғанын айтты.
Кейін Украина президенті Владимир Зеленский бүкіл елде әскери жағдай жарияланғанын мәлімдеді.
Украинадағы қазақстандықтар эвакуацияланады - СІМ
Сілтемесіз жаңалық оқисыз ба? Онда Telegram желісінде парақшамызға тіркеліңіз!