(Казан, 17 октябрь, «Татар-информ», Рузилә Мөхәммәтова). Буа театры «Шобага» спектакле белән Кудымкар фестивалендә гран-при алды. «Сообщение» III милләтара театр фестивале нәтиҗәләре Коми-Пермяк милли драма театры сайтында урнаштырылган. «Сообщение» III милләтара театр фестивале Коми-Пермяк милли драма театрында 11 — 16 октябрь көннәрендә үтә. Гран-при өчен Буа, Уфа, Воронеж, Кудымкар һәм башка шәһәрләрдән театрлар ярышты. Тимур Куловның «Шобага» спектакле мистик тарих дип бирелгән. Ул татар карчыкларының хикәяләреннән төзелгән мозаика. Сәхнә әсәре реаль интервьюларга нигезләнгән.