სამანქანო გზა, ახალი სკვერი საცხოვრებელი სახლის ფანჯრებთან და ბათუმის მოსახლეობის პროტესტი
სამანქანო გზა ბათუმის მერიას ხიმშიაშვილისა და თაბუკაშვილის ქუჩებზე ზუსტად იმ ადგილზე გაჰყავთ, სადაც ამჟამად მოსახლეობა ცხოვრობს, მაგისტრალი ზოგ შემთხვევაში მოსახლეობის კიბესთან ან პირდაპირ საძინებელ ოთახთან გადის, ადგილობროვები პროექტის შეცვლას ან ტერიტორიიდან გასახლებას მოითხოვენ.
ხიმშიაშვილის ქუჩის მცხოვრებლებმა ბათუმის მერიას ახალი გზის და დასასვენებელი სკვერის პროექტის შესაცვლელად არაერთხელ მიმართეს, თუმცა მუნიციპალიტეტი არქიტექტურული პროექტის შეცვლას არ აპირებს. ადგილობრივებმა მერიისგან ალტერნატიული ფართის გამოყოფაზეც უარი მიიღეს.
ახალი მაგისტრალის და სკვერის მშენებლობას ტენდერში გამარჯვებული კომპანია "მონოლითი" ახორციელებს, ორი მილიონი ლარის ღირებულების პროექტი ამ ეტაპზე შეჩერებულია, კომპანიაში ამბობენ, რომ მერიამ ამ დრომდე მოსახლეობის გასახლების პრობლემა ვერ მოაგვარა.
თუკი მშენებლობის პროექტი არ შეიცვლება, ხიმშიაშვილის ქუჩაზე მცხოვრებ 4 ოჯახს ცხოვრება პირდაპირ სამანქანო მაგისტრალზე მოუწევს.
ავტორები: გიგლა თუმაშვილი, თეა ვაშალომიძე, ნიკა ვაწაძე.