Картлар һәм инвалидлар йортында яшәүчеләр өчен бәйрәм ясадылар
«Шәфкать» үзәге белгечләре һәм «Спорт хәрәкәтләре» республика региональ иҗтимагый оешмасы белән берлектә өлкәннәр ункөнлеген дәвам итеп, Теләнче Тамак картлар һәм инвалидлар йортында яшәүчеләр янына бардылар. Чара шашка һәм дартс уеннарыннан башланды. Шашка уены өлкәннәрнең яшьлек көйләре астында узды.
Аннары социаль педагог бу йортта яшәүчеләр өчен «Мин Советлар Союзында тудым» дигән темага викторина уздырды. Өлкәннәр ул чордагы ашамлык исемнәрен, аларның бәяләрен, көнкүреш техникаларының атамаларын бик теләп искә төшерделәр. Аннары әби-бабайлар хәрәкәтле спорт уеннарында катнаштылар.
Ярышларда җиңүчеләрне «Спорт хәрәкәтләре» оешмасы рәисе ярдәмчесе Азат Хаҗиев бүләкләде. Өлкәннәргә Грамоталар, медальләр, чәй эчү өчен матур чынаяклар бирелде. Бүләкләрне алырга шәһәр Советы депутаты, «Спорт хәрәкәтләре» оешмасы рәисе Әсхәт Галиев ярдәм итте.