Камал артисты Алинә Мөдәрисовага мактаулы исем бирелгән
Камал артисты Алинә Мөдәрисовага, театр сәнгате үсешенә керткән өлеше өчен, «Татарстанның атказанган артисты» дигән мактаулы исем бирелгән. Бу хактагы карарга Татарстан Рәисе Рөстәм Миңнеханов имза куйган.
«Алинәне театр исеменнән чын күңелдән котлыйбыз, горурланабыз һәм иҗади уңышлар телибез!» – диелгән Камал театрының «ВКонтакте» социаль челтәрендәге сәхифәсендә.
Алинә Мөдәрисованы түбәндәге рольләрдә күрергә мөмкин: Үринә – «Гөргөри кияүләре», Гайниҗамал – «Банкрот», Сәркатип – «Исәнме, улым!», Фатыйма – «Сүнгән йолдызлар», Хәния – «Ситса туй» һ.б.