Композитор Петр Чайковский яраткан кәтлит рецепты
Замандашлары, Петр Чайковскийның күңеле балаларныкы кебек иде, дип искә ала. Дөрестән дә шулай булгандыр – балалар да аңа тартылган. Композитор яраткан кәтлит турында «АиФ» яза.
Чайковский дусты Николай Кондратьев утарына кунакка килергә яраткан. Соңыннан исә, дусты Петербургка күченгәч, киресенчә, Кондратьевлар аның янына җәйләргә йөри башлый. «Йөреп кайткач, ул безне үз янына чәйгә чакыра иде, шаяра, без күңелле итеп сөйләшәбез, икенче көнгә иртәнге ашка чакыра да миңа әйтә: «Ну, Диночка, әйдә, менюны бергә төзибез. Иң элек – итальянча макарон, аннары – кыздырган тавык, йә булмаса шпинат белән тавык котлетлары», – дип искә ала Кондратьевның кызы.
Кәтлит рецепты
Кирәк:
- тавык фаршы – 600 г
- туңдырылган шпинат – 200 г
- суган – 2 баш
- манный ярмасы – 2 аш кашыгы
- ысланган паприка һәм кипкән сарымсак – 2шәр чәй кашыгы
- үсемлек мае – 100 мл
- тоз, борыч – тәменчә
Әзерләү
Суганны вак итеп турап, үтә күренмәле булганчы кыздырырга. Шуңа шпинат өстәп, капкач астында 5-7 минут пешерергә. Суытырга.
Фаршка тәмләткечләр, тоз, манный ярмасы салып, яхшылап болгатырга. Аннары, шпинатны кушып, тагын бер кат изәргә һәм бәрергә.
Фаршны 12 өлешкә бүлеп, кәтлиләр ясарга һәм табада һәр ягын 3-4 минут кыздырырга.