Granatus Ventures-ը ներդրում է կատարել Quiltt ստարտափում
Granatus Ventures-ը հայտարարել է Quiltt-ի հետ համագործակցության մասին՝ միանալով ընկերության $2.6 միլիոն սաղմնային ներդրումային փուլին։
Granatus Ventures-ի ներդրումն աջակցում է Quiltt-ի առաքելությանը՝ վերացնել բաց բանկային ծառայությունների մասշտաբավորման հետ կապված դժվարությունները եւ հզորացնել ծրագրավորողներին ու բիզնեսներին՝ կառուցելու հաջորդ սերնդի անխափան ֆինանսական համակարգեր։
Ռուբեն Իզմայիլյանի եւ Մարկ Բեխհոֆերի հիմնած Quiltt-ը պարզեցնում է բարդացված ֆինանսական API միջավայրը՝ տրամադրելով անվտանգ շերտ, որը միավորում է բանկային տվյալների, ինքնության եւ վճարային ենթակառուցվածքների հասանելիության մուտքը։ Այս մոտեցումը թույլ է տալիս արագացնել արտադրանքի զարգացումը, բարձրացնել անվտանգությունը եւ խթանել նորարարությունը ֆինանսական տեխնոլոգիաների էկոհամակարգում։
Ընկերության 2.6 միլիոն դոլար արժողությամբ փուլը գլխավորում է NVP Capital-ը, որին մասնակցում են Mastercard-ը, K Street Capital-ը, Mintaka-ն, Abstraction Capital-ը եւ այլն։